Палкоўнік УСУ: Украіна адкажа «з усіх руляў» па вайсковых аб'ектах Лукашэнкі

Названая ўмова, пры якой гэта адбудзецца.

Ваенны экспэрт, палкоўнік запасу УСУ Алег Жданаў назваў галоўную ўмову, пры якой УСУ будуць адказваць на агрэсію РФ з тэрыторыі Беларусі.

Экспэрт агучыў ключавую ўмову, пры якой УСУ атрымаюць поўнае права бамбаваць вайсковыя аб'екты Лукашэнкі ў адказ на ўсялякую праяву агрэсіі з яго боку.

«Я спадзяюся на такі варыянт, вельмі спадзяюся і думаю, што я не адзін такі прыхільнік таго, што на агонь трэба адказваць агнём, а інакш будуць біць. Шчок не хопіць для таго, каб іх кожны раз падстаўляць», - заявіў вайсковы экспэрт.

Далей палкоўнік запасу УСУ паведаміў наступнае: «Я вельмі спадзяюся, што палітычнае кіраўніцтва нашай краіны прыме такую пастанову і аддасць такі загад, што, у выпадку чарговага ўдару з боку Беларусі, трэба наносіць зваротны ўдар. Мы на гэта вельмі моцна спадзяемся».

«Наколькі гэта будзе рэалізавана на практыцы, на сённяшні дзень сказаць вельмі цяжка. Ва ўсякім разе, ужо нейкі час мы з вамі бачым, што з боку Беларусі не наносіцца ніякіх удараў агнявымі сродкамі па тэрыторыі Украіны. Можа быць, з-за таго, у тым ліку, што ва Украіне існуе меркаванне (яно нідзе афіцыйна не агучана), што ў выпадку нанясення агнявога ўдару з боку Беларусі мы дамо адказ з усіх руляў, якія ў нас ёсць», - рэзюмаваў Алег Жданаў.