Зяленскі: Гэты «Рамштайн» нас умацаваў, але за танкі яшчэ трэба пазмагацца

Сёння на авіябазе ў Нямеччыне прайшла восьмая сустрэча аб абароне Украіны.

Сённяшняя сустрэча «Рамштайна» ўмацуе трываласць Украіны. Аднак Кіеву яшчэ давядзецца пазмагацца за пастаўкі сучасных танкаў. Аб гэтым заявіў Уладзімір Зяленскі.

«Сённяшні «Рамштайн» умацуе нашу трываласць. Партнёры прынцыповыя ў сваім стаўленні - яны будуць падтрымліваць Украіну, колькі гэта неабходна для нашай перамогі. Так, яшчэ давядзецца пазмагацца за пастаўкі сучасных танкаў, але штодня мы робім мацнейшую відавочнасць безальтэрнатыўнасці таго, што пастанова аб танках мае быць прынятая», - заявіў прэзідэнт Украіны.