Зорка фільма «Гардэмарыны» выправіўся на вайну з Украінай
67- 21.01.2023, 12:03
- 43,058
Акцёр апублікаваў свае фота ў кепцы з літарай «z» на фоне ваеннай тэхнікі РФ.
56-гадовы расейскі акцёр Міхаіл Мамаеў падзяліўся ў сваім блогу кадрамі са зброяй на фоне ваеннай тэхнікі. Расейскія СМІ паведамляюць, што ён з'ехаў на фронт. Падрабязнасці ягонага знаходжання ў зоне баявых дзеянняў не паведамляюцца.
На фота акцёр пазуе ў кепцы з літарай «z», якую акупанты выкарыстоўваюць як сімвал сваёй «спецаперацыі» – так прапагандысты называюць крыважэрную вайну і забойствы мірных украінскіх грамадзянаў.
На фатаграфіі таксама можна разгледзець ваенную тэхніку РФ з аналагічнай сімволікай, і вайскоўцаў РФ. Мамаеў закрыў ім твары стыкерамі з выявай сабакі.
Хто такі Міхаіл Мамаеў
Савецкі і расейскі акцёр родам з Масквы. За ягонымі плячыма шмат роляў, аднак адна з'яўляецца знакавай – гэта фільм «Гардэмарыны», дзе Мамаеў сыграў Мікіту Аленева.
У адкрытых крыніцах ёсць інфармацыя, што Мамаеў яшчэ са школьных гадоў марыў быць вайскоўцам – бачыў сваю будучыню ў якасці выведніка. Для гэтага займаўся фізічнай падрыхтоўкай, аднак у старэйшых класах прыярытэты змяніліся, і ён надумаў звязаць сваё жыццё з творчасцю.