Стала вядома, у якой вобласці Беларусі кошты прадуктаў вышэйшыя за іншыя
5- 24.01.2023, 16:18
- 14,538
Журналісты параўналі кошт прадуктаў у рэгіёнах.
Кошты прадуктаў харчавання - тэма актуальная для беларусаў. Тым больш, што летась жыхары краіны адчулі на сабе значнае падаражанне многіх тавараў. Журналісты myfin.by пастанавілі праманіторыць кошты прадуктаў у рэгіянальным разрэзе і даведаліся, дзе даражэйшая мясная прадукцыя, малочная і агародніна, а таксама ў якой вобласці кошты прадуктаў ніжэйшыя за іншыя па краіне. Для аналізу ўзяты апошнія звесткі аб сярэдніх раздробных коштах за снежань 2022 года.
Гародніна даражэйшая ў Менску, бананы – у Гомелі
Як паказаў аналіз цэн, агародніна даражэй за ўсё каштуе ў Менску, бо ў чатырох пазіцыях (буракі, капуста, бульба, памідоры свежыя) цэны ў снежні мінулага года тут былі вышэйшыя, чым у іншых рэгіёнах. А вось самая танная гародніна на Віцебшчыне: тут менш, чым у іншых рэгіёнах, каштуюць буракі, морква, агуркі і капуста.
Што да садавіны, у коштах цытрусавых (апельсіны, лімоны, мандарыны) і яблыкі ў лідарах Менск, а вось вінаград самы дарагі ў Берасцейскай вобласці (6,49 руб), бананы - у Гомельскай (5,17 руб).
Сітуацыя з малочнымі прадуктамі выглядае так: малако і сыр цвёрды самы дарагі ў Магілёўскай вобласці (1,89 руб і 24,93 руб адпаведна), смятана і яйкі курыныя самыя дарагія ў Менску (7,22 і 3,09 руб адпаведна), тварог тлусты даражэйшы ў Гарадзенскай вобласці (9,95 руб), кефір - на Віцебшчыне (1,83 руб).
Самая дарагая рыба прадаецца ў сталіцы (рыба жывая - 11,10 руб і рыба марожаная (філе і разробленая) - 13,73 руб) і Гарадзенскай вобласці (рыба марожаная непадзеленая - 7,87 руб, селядзец салёны - 8,83 руб, рыба вэнджаная і салёная далікатэсная - 65,90 руб). Найбольш бюджэтную рыбу беларусы змогуць знайсці ў Берасцейскай вобласці. Так, напрыклад, за 1 кг жывой рыбы тут трэба будзе заплаціць 7,02 руб (у Менску на 4 рублі даражэй). Самую дарагую ікру прадавалі ў снежні ў сталіцы (ікра ласасёвых - 198,03 руб), самую танную - у Гарадзенскай вобласці (154,13 руб).
Па танныя каўбасы і куры - на Берасцейшчыну
Пераходзім да мясной прадукцыі. Тут відавочна па-за канкурэнцыяй Менск. Так, у сталіцы самыя высокія кошты:
ялавічыны бескасцёвай – 21,98 руб;
сала і грудзінкі - 20,15 руб;
бужаніны і вяндліны – 17,49 руб;
каўбасы сыравэнджанай і сыравяленай – 26,22 руб;
сасісак і сардэлек – 11,58 руб;
паштэту і зэльцу - 6,98 руб.
У Гарадзенскай вобласці самая дарагая свініна без косткі - 13,53 руб, на Гомельшчыне куры - 6,11 руб.
Тым, хто часта ездзіць на Берасцейшчыну, рэкамендуем зазірнуць у прадуктовыя крамы. Тут вы знойдзеце самую танную ў краіне каўбасу сыравэнджаную і сыравяленую (23,79 руб), каўбасу вараную вышэйшага гатунку (9,07 руб), вяндліну і бужаніну (14,91 руб), сала з грудзінкай (13,64 руб), ялавічыну без костак (15,92 руб) і курэй (5,41 руб).
Хлеба-булачныя вырабы. Самы дарагі хлеб жытні беларусы змогуць знайсці ў Берасцейскай і Магілёўскай абласцях, самы танны - у Менскай. Мука пшанічная самая дарагая ў Гомельскай вобласці, а самая танная ў Менску. Сухары, сушкі, абаранкі самыя дарагія прадаюць у Менскай вобласці, а самыя танныя - у Берасцейскай.
Кава, гарбата: дзе купляем?
Па алкагольных напоях па шэрагу пазіцый лідаруе Менская вобласць. На Меншчыне самыя дарагія ў краіне гарэлка (25,22 руб) і шампанскае (16,49 руб). У сваю чаргу самы дарагі каньяк у Менску (49,46 руб), а піва - у Гарадзенскай вобласці (5,27 руб).
Самую танную гарэлку набываюць гарадзенцы, самае таннае шампанскае і каньяк - жыхары Берасця.
Самую дарагую растваральную каву і чорную гарбату п'юць жыхары Менскай вобласці, а самыя бюджэтныя - менчукі.
Розніца ў кошце на здобу і абеды - важкая
Адзначым, што па многіх пазіцыях рэгіянальныя адрозненні ў цэнах зусім нязначныя, але ёсць і такія, дзе розніца вельмі сур'ёзная.
Так, напрыклад, розніца ў кошце кавы растваральнай паміж Менскай вобласцю і сталіцай дасягае 32 адсоткі, вырабаў булачных здобных з мукі вышэйшага гатунку паміж Гарадзенскай і Берасцейскай вобласцю - 60 адсоткаў, ягад паміж Меншчынай і Гомельскай вобласцю - 67 адсоткаў.
Шчыра кажучы, здзівіла розніца паміж коштамі на Берасцейшчыне і Гарадзеншчыне на заказны абед у рэстарацыях і кавярнях з чатырох страў на аднаго чалавека. Калі жыхар Гарадзенскай вобласці, паабедаўшы, пакіне ў кавярні ўсяго 10,93 руб, то берасцеец - цэлых 21,48 руб, гэта значыць, розніца - удвая.
Вынікі
У прынцыпе зусім нядзіўна, што, як паказаў праведзены намі аналіз коштаў, Менск выявіўся самым дарагім горадам у Беларусі. Па 50 са 142 пазіцый, у якіх мы праводзілі параўнанне, у беларускай сталіцы самыя высокія кошты.
Тым не менш, што цікава, па асобных групах тавараў у горадзе самыя нізкія кошты ў краіне. Так, у сталіцу можна ехаць па грэчку, рагу і набор са свініны, рыбныя кансэрвы (акрамя далікатэсных), сухія малочныя сумесі для дзіцячага харчавання, масла, каўбасу ліверную, тварог тлусты і тварожныя дэсерты.
Другім па дарагоўлі рэгіёнам у краіне сталася Магілёўская вобласць. Тут па 22 пазіцыях самыя высокія кошты.
А вось самы бюджэтны рэгіён у частцы нізкага кошту прадуктаў харчавання, як выявіў наш аналіз, гэта Берасцейская вобласць. Тут па 34 пунктах самыя нізкія кошты.
Вось цэны некаторых прадуктаў харчавання ў снежні 2022 года (у рублях за кілаграм, літр, дзесяціну):
Брестская | Витебская | Гомельская | Гроднен. | Минск | Минская | Могилев. | |
Картофель | 0,97 | 0,93 | 0,88 | 0,94 | 1,03 | 0,98 | 0,87 |
Свекла | 0,90 | 0,84 | 0,93 | 0,86 | 1,01 | 0,84 | 0,87 |
Морковь | 0,98 | 0,85 | 1,02 | 0,94 | 1,00 | 0,92 | 1,01 |
Пельмени | 7,05 | 8,00 | 9,05 | 8,26 | 9,52 | 9,23 | 8,51 |
Сметана | 6,63 | 6,45 | 6,17 | 6,62 | 7,22 | 6,33 | 6,74 |
Молоко | 1,72 | 1,79 | 1,79 | 1,71 | 1,75 | 1,79 | 1,89 |
Яйца | 3,00 | 2,93 | 2,89 | 2,83 | 3,09 | 3,04 | 2,85 |
Рыба живая | 7,02 | 7,89 | 7,40 | 7,59 | 11,10 | 8,45 | 10,43 |
Куры (цыплята) | 5,41 | 5,94 | 6,11 | 6,09 | 5,64 | 5,75 | 5,92 |
Говядина бескостная | 15,92 | 16,53 | 18,61 | 19,72 | 21,98 | 19,51 | 17,25 |
Свинина бескостная | 14,45 | 13,55 | 14,85 | 15,84 | 13,53 | 14,19 | 15,47 |
Колбаса сырокопч. и сыровял. | 23,79 | 25,03 | 25,08 | 25,74 | 26,22 | 26,02 | 24,56 |
Хлеб ржаной | 2,87 | 2,64 | 2,44 | 2,81 | 2,52 | 2,28 | 2,87 |
Водка | 18,46 | 18,39 | 18,41 | 18,02 | 18,13 | 25,22 | 21,98 |
Коньяк | 40,22 | 44,29 | 47,40 | 44,25 | 49,46 | 42,34 | 46,90 |