20 красавiка 2024, Субота, 0:46
Падтрымайце
сайт
Сім сім,
Хартыя 97!
Рубрыкі

Лукашэнка ў тупіку: тры фобіі дыктатара

10
Лукашэнка ў тупіку: тры фобіі дыктатара
ФОТА: ТАСС

"Кветак" больш не будзе.

Тэлеграм-канал "Нік і Майк" пасля апошняга "сходу" ў палацы Лукашэнкі звярнуў увагу на сістэмны крызіс рэжыму ў Беларусі і пералічыў асноўныя фобіі дыктатара.

1. 2020-ы год пераследуе і не адпускае. Гвалт дапамог утрымаць уладу, але ў самой сістэме процьма незадаволеных. Паўтарэння ў якім-небудзь фармаце яна проста не вытрымае. Тым больш што кветак больш не будзе.

2. Масавая міграцыя, якая сур'ёзна б'е па эканоміцы. Гэтага ўжо немагчыма не заўважаць. Ёсць жаданне развярнуць плынь, але чэргі на мяжы ёсць толькі ў альтэрнатыўнай рэальнасці, якую стварае прапаганда (для чаго даводзіцца даставаць плёнкі з запыленых архіваў).

Прынятая пастанова працягнуць шукаць "пакаянных зорак" сярод палітыкаў, актывістаў, спартоўцаў, дзеячаў культуры. А таксама карысных ідыётаў сярод замежных грамадзян.

3. Вайна. Злом парадыгмы "абы не было вайны" настолькі траўматычны для сістэмы, што можа паслужыць трыгерам для выканання ўмоў з пункта 1. Менавіта таму тэрмінова патрэбны "пакт аб ненападзе". Усялякі адказ з украінскага боку прывядзе да паскарэння падзення рэжыму. У сітуацыі непазбежнай эскалацыі на фронце ў лютым-сакавіку складана знайсці развязанне гэтай праблемы.

У выніку перайшлі да прасцейшых праблем. Напрыклад, дарог. Але ў іх стане вінаватая "агідная зіма", што дзіўна чуць ад уладара дажджу і сонца. Мы думалі, што вінаватая хунта, якая апошняе дзесяцігоддзе рамантавала і будавала дарогі за грошы праклятых капіталістаў з Сусветнага банка ў крэдыт. А зараз "сваіх" чужых грошай няма, а ў прыярытэце сілавікі. На гэтай жа сходцы сіняпалы сінягуб прамым тэкстам прамовіў аб тым, што без іх штыкоў ва ўладзе застацца не атрымалася б.

Будуць падвышаць падаткі, дабіваць бізнэс і вытрасаць штрафы. Бо кармавая база скарачаецца, трэсці будуць сваіх. Канфлікт Алексіна і Тапузідзіса з гэтай сферы.

Напісаць каментар 10

Таксама сачыце за акаўнтамі Charter97.org у сацыяльных сетках