У Гародні ў судзе над палітвязнем Андрэем Пачобутам пачалі дапытваць сведак

Судовы працэс вядзе Дзмітрый Бубенчык.

Гарадзенскі абласны суд працягвае разгляд паводле крымінальнай справы ў дачыненні да вядомага гарадзенскага журналіста і сябра «Саюза палякаў Беларусі» Андрэя Пачобута, паведамляюць праваабаронцы.

Судовы працэс, які пачаўся 16 студзеня, вядзе суддзя Дзмітрый Бубенчык.

Палітзняволенага журналіста абвінавачваюць у «закліках да дзеянняў абмежавальнага характару», накіраваных на «прычыненне шкоды нацыянальнай бяспецы Рэспублікі Беларусь» (ч.3 арт.361 Крымінальнага кодэкса), а таксама ў «распальванні іншай сацыяльнай варожасці і варожасці» (ч.3 арт.130 Крымінальнага кодэкса).

Андрэй Пачобут быў затрыманы 25 сакавіка 2021 года ў Гародні пасля ператрусу ў сваім доме. Пасля яго даставілі ў Цэнтральны апарат Следчага камітэта ў Менску, дзе адбыўся допыт. Журналіста пакінулі пад вартай у СІЗА-1 на Валадарскага ў статусе падазраванага паводле крымінальнай справы на падставе ч.3 арт.130 Крымінальнага кодэкса. Потым Пачобута перавялі ў жодзінскую следчую турму №8. Цяпер ён утрымліваецца ў турме №1 Гародні.

Працэс паводле справы журналіста неаднаразова пераносілі: спачатку судовы разбор прызначылі на 28 лістапада, затым на 9 студзеня, цяпер - на 16 студзеня 2023 года.

4 кастрычніка 2022 года КДБ уключыў журналіста ў «Пералік асоб, якія маюць дачыненне да тэрарыстычнай дзейнасці».

Судовы працэс праходзіць у закрытым рэжыме. Пасля таго, як пракурор зачытаў абвінавачанні, у судзе пачаўся допыт сведак паводле справы.