Украінскія марскія пяхотнікі феерычна распляжылі калону бронетэхнікі акупантаў

Ворага заспелі на пантоннай пераправе.

36-я асобная брыгада ўкраінскай марской пяхоты імя контр-адмірала Міхаіла Бялінскага паказала кадры адпрацоўкі па расейскіх войсках каля вёскі Вадзянога на Данецкім кірунку.

Паведамляецца, што ўдарамі знішчаная пантонная пераправа ворага, абясшкоджаныя цэлыя калоны бронетэхнікі захопнікаў.

На відэа патрапілі кадры працы ПТРК «Стугна» і разлікі МТ-12 «Рапіра», а таксама экіпажы БПЛА 503-га Асобнага батальёна марской пяхоты.

Раней сайт Charter97.org публікаваў відэа, як УСУ нанеслі магутны ўдар па акупантах з «Рапіры».