Украінскі «Энэргаатам»: Расейцы масава вярбуюць беларусаў, каб адправіць на ЗАЭС

Расейскія акупанты спрабуюць аднавіць працу станцыі.

Расейцы вярбуюць у Беларусі рамонтнікаў, каб адправіць іх на Запарожскую АЭС. Такім чынам акупанты спрабуюць аднавіць стабільную працу станцыі пасля абстрэлу.

- Рашысты спрабуюць завербаваць для працы на ЗАЭС паўтары сотні беларускіх рамонтнікаў. Акупанты ўсё яшчэ шукаюць персанал для функцыянавання станцыі, спрабуючы хоць неяк справіцца на ёй, - гаворыцца ў паведамленні «Энэргаатама».

Паводле папярэдніх звестак, расейцы хочуць завербаваць 150 спецыялістаў па рамонце, якія раней працавалі на Беларускай АЭС.

- Відавочна, яны патрэбныя для таго, каб на хуткую руку чыніць пашкоджанні, якія ўзнікаюць у выніку абстрэлаў, якія самі ж расейцы і ўладкоўваюць. А прымусіць украінскіх атамшчыкаў да супрацоўніцтва расейскім акупантам не ўдаецца, - дадалі ў «Энэргаатаме».

Адзначаецца, што акупанты працягваюць абяцаць супрацоўнікам ЗАЭС «выгадныя ўмовы», а таксама пагражаюць, запалохваюць і трымаюць у палоне. Аднак гэтыя метады не ўплываюць на колькасць кваліфікаванага персаналу, якога на станцыі катастрафічна бракуе.