18 траўня 2024, Субота, 10:15
Падтрымайце
сайт
Сім сім,
Хартыя 97!
Рубрыкі

Ва Украіне загінуў беларус-добраахвотнік Эдуард Лобаў

25
Ва Украіне загінуў беларус-добраахвотнік Эдуард Лобаў
ЭДУАРД ЛОБАЎ

Ён атрымаў аскепкавае раненне пад Вуглядарам.

Ва Украіне загінуў яшчэ адзін беларускі добраахвотнік Эдуард Лобаў. Як паведамляе тэлеграм-канал «МКБ», ён служыў у 72-й асобнай механізаванай брыгадзе, удзельнічаў у вызваленні Кіеўскай вобласці і Чарнобыля ад расейскіх акупантаў.

Учора баец атрымаў аскепкавае раненне пад Вуглядарам. Але паспеў знішчыць больш за пяць акупантаў. Ён ваяваў ва Украіне з 2015 года.

Эдуард Лобаў – былы палітвязень. Ён быў затрыманы 18 снежня 2010 года разам з лідарам «Маладога фронту» Змітром Дашкевічам, а пасля незаконна асуджаны на чатыры гады калоніі строгага рэжыму. Эдуард цалкам адбыў свой тэрмін у калоніі «Ваўчыныя норы».

У 2014 годзе сайт Charter97.org абвясціў яго лаўрэатам Нацыянальнай прэміі ў галіне абароны правоў чалавека імя Віктара Івашкевіча.

Адзначым, што гэта ўжо 19-ы беларус, які аддаў жыццё за незалежнасць Украіны і Беларусі на ўкраінскай зямлі, з пачатку поўнамаштабнай вайны.

Напісаць каментар 25

Таксама сачыце за акаўнтамі Charter97.org у сацыяльных сетках