Стывен Кінг заклікаў Пуціна пайсці ў адстаўку
8- 28.01.2023, 18:29
- 9,728
Мінабароны Украіны пракаментавала заяву знакамітага пісьменніка.
Знакаміты амерыканскі пісьменнік Стывен Кінг 28 студзеня ў Twitter заклікаў прэзідэнта РФ Уладзіміра Пуціна сысці ў адстаўку, піша «Гардон».
«Дзеля божай ласкі, Расея, спыні гэтую бессэнсоўную вайну ва Украіне. Спыніце бамбаваць бяззбройных мірных жыхароў. Пуцін павінен сысці ў адстаўку», - напісаў Кінг.
For the love of God, Russia, stop this pointless war in the Ukraine. Stop the bombing of unarmed civilians. Putin must step down.
— Stephen King (@StephenKing) January 28, 2023
«Яны не жадаюць спыняць гэтую вайну. Але мы прымусім іх зрабіць гэта», - адрэагавалі на допіс пісьменніка ў Міністэрстве абароны Украіны.
They don't want to stop this war.
— Defense of Ukraine (@DefenceU) January 28, 2023
But we will force them do so.
Адзначым, што Стывен Кінг пасля поўнамаштабнага ўварвання РФ ва Украіну шматкроць выказваўся ў падтрымку ўкраінцаў, асуджаючы дзеянні расейскіх акупантаў. Так, 28 лютага 2022 года пісьменнік заявіў аб сваёй падтрымцы Украіны, размясціўшы ў сацсетцы фота ў футболцы з надпісам «Я разам з Украінай».
5 сакавіка ён паведаміў, што не будзе працягваць кантракты з расейскімі выдавецтвамі на знак пратэсту супраць нападу РФ на Украіну.
