Стала вядома, якое надвор'е чакае беларусаў у лютым

Апошні месяц зімы будзе мяккім і снежным.

Люты, паводле папярэдняга прагнозу, будзе мяккім і снежным. Тэмпература - крыху вышэйшая за кліматычную норму. Пра гэта ў эфіры АНТ расказаў Дзмітры Рабаў.

Тэмпература ў лютым будзе на 1 - 3°C вышэйшая за кліматычную норму. Норма складае ад -2°C на паўднёвым захадзе да -6°C на паўночным усходзе. Дзён з адлігай таксама будзе крыху больш чым звычайна.

- Колькасць ападкаў будзе блізкая да кліматычнай нормы - у сярэднім нас чакае ад 12 да 18 дзён з ападкамі. Пры гэтым люты прагназуецца больш снежным, чым студзень, - распавёў Рабаў.

Што да наступнага працоўнага тыдня, то нас чакае няўстойлівае дрэннае надвор'е са снегападамі і парывістым ветрам.

У многіх раёнах прагназуецца снег, мокры снег, узмацненне паўднёва-заходняга ветру да 15 - 20 метраў за секунду. Месцамі закружаць завеі. Вільготнасць да 90 працэнтаў. Чакаецца наліпанне мокрага снегу, галалёд. Тэмпература ўначы 0°C … -5°С. У сярэдзіне дня ў панядзелак і ў аўторак блізу 0°C.

У сераду ўначы і раніцай у заходніх раёнах, удзень на большай частцы тэрыторыі краіны снег, мокры снег. На асобных участках дарог галалёд. Вільготнасць да 90 працэнтаў. Тэмпература паветра ў сераду ўначы -1°С...-7°С, удзень +1°С...-3°С.

У пачатку другой паловы тыдня ўмовы надвор'я будзе вызначаць чарговы цыклон з Балтыйскага мора. Ён прынясе ападкі рознай інтэнсіўнасці. Уначы і раніцай слабы туман, бачнасць да кіламетра. Вільготнасць да 90 працэнтаў. Вецер заходні, паўночна-заходні, умераны. Тэмпература ўначы 0°С... -6°С. Удзень у чацвер блізу нуля, у пятніцу -1°С... -3°C.

Папярэдне - у першыя выходныя лютага, надвор'е палепшыцца, але пахаладае. Будзе воблачна з праясненнямі. Магчымы невялікі, кароткачасовы снег. Вільготнасць да 90 працэнтаў. Пад раніцу туманы, бачнасць да паўкіламетра. Вецер пераменных напрамкаў, умераны. Тэмпература паветра ўначы -4°С... -9°С, на поўначы пры праясненнях да -15°С. Удзень у суботу 0°С... -5°C, у нядзелю -1°С... -6°С.