Міністр абароны Украіны спадзяецца на заканчэнне вайны ў 2023 годзе
8- 29.01.2023, 17:09
- 4,156
Аднак для гэтага неабходна прыкласці шмат намаганняў.
2023-і год можа стаць годам перамогі для Украіны, аднак для гэтага неабходна прыкласці шмат намаганняў.
Аб гэтым піша РБК-Украіна са спасылкай на словы міністра абароны Украіны Аляксея Рэзнікава ў інтэрв'ю праграме Rosemary Barton Live.
У адказе на пытанне аб тым, калі вайна паміж Украінай і Расеяй можа скончыцца, міністр абароны заявіў, што захоўвае аптымізм.
«Я спадзяюся, што гэты год стане годам перамогі», - сказаў Рэзнікаў.
Міністр адзначыў, што для гэтага неабходна шмат зрабіць, аднак украінскі народ хоча атрымаць перамогу як мага хутчэй.