Украінскае IT-войска ўзламала архіў «Газпрома»

Атрыманы доступ да тысяч файлаў.

Украінскае кібер-войска атакавала расейскую групу кампаній ТАА «Газпром». Хакеры атрымалі доступ да інфармацыі аб адным з найбуйнейшых газавых радовішчаў расейцаў.

Пра гэта паведамляе Telegram IT Army of Ukraine.

Вядома, што хакеры зламалі архіў аб'ёмам 1,5 Гб і атрымалі доступ да 6000 файлаў. У іх змяшчаецца інфармацыя аб выпрабаваннях і свідраваннях на Кавыкцінскай свідравіне ў Іркуцкай вобласці. Яна ўважаецца за адно з найбуйнейшых газавых радовішчаў РФ.

«IT-войскам Украіны атрыманы доступ да інфармацыі аб дзейнасці найбуйнейшага напаўняльніка дзяржбюджэту, а адпаведна галоўнага спонсара тэрарызму і ўварвання ва Украіну – ТАА «Газпром». Архіў ёмістасцю 1,5 Гб змяшчае больш за 6 тысяч файлаў групы кампаній «Газпром» у фінансава-гаспадарчай дзейнасці, а менавіта справаздачы аб выпрабаваннях і свідраваннях, укараненні і наладцы аўтаматызаваных сістэм на Кавыкцінскай свідравіне (Іркуцкая вобласць), якая ўважаецца за адно з найбуйнейшых газавых радовішчаў РФ», - сказана ў паведамленні.

Нагадаем, IT-войска Украіны - гэта супольнасць IT-спецыялістаў, створанае ў канцы лютага 2022 года для нейтралізацыі ворага ў інфармацыйнай і кіберпрасторы. У яго склад уваходзяць больш за 200 тысяч валанцёраў-спецыялістаў - як украінскіх, так і замежных.