Якія з топавых беларускіх прадпрыемстваў трапілі пад санкцыі Украіны
12- 29.01.2023, 19:13
- 20,780
Поўны спіс.
Уладзімір Зяленскі ўвёў у дзеянне пастанову Рады нацыянальнай бяспекі і абароны Украіны аб санкцыях супраць 182 кампаній і траіх чалавек, звязаных з перавозкамі па чыгунцы расейскай тэхнікі, абсталявання і асабовага складу, задзейнічаных у вайне.
– Іх актывы ва Украіне блакуюцца, наяўная маёмасць будзе выкарыстоўвацца для нашай абароны. Мы будзем працаваць над тым, каб аналагічнае блакаванне было ўжытае і іншымі краінамі, – заявіў украінскі прэзідэнт.
Указ аб увядзенні санкцый апублікаваны на афіцыйным сайце Зяленскага. Мы вывучылі спіс беларускіх кампаній, якія трапілі пад абмежаванні – усяго іх 23. Сярод іх ёсць прадпрыемствы, малавядомыя шырокай аўдыторыі, а таксама нацыянальныя флагманы. Поўны спіс:
ААТ «Беларуськалій».
«СД-Транс» (рэспубліканскае ўнітарнае прадпрыемства транспартавання і забеспячэння звадкаванымі нафтавымі газамі, Наваполацк).
ААТ «Гомельскі хімічны завод».
Дзяржаўнае аб'яднанне «Беларуская чыгунка».
Рэспубліканскае транспартна-экспедыцыйнае ўнітарнае прадпрыемства «Белінтэртранс – транспартна-лагістычны цэнтр» БЧ.
ТАА «Судружнасць Транс-Агра» (Смаргонь).
ТАА «Грузавая служба-Захад» (Орша).
ААТ «Прамагралізінг» (Менск).
ТАА «ЗахадТрансЛагістык» (Менск).
ТАА «ААБ Лізінг» (Менск).
ТАА «Транзіт-Аўта 2003» (Менск).
Замежнае ТАА «Кранаспан АСБ» (Магілёўская вобласць).
ААТ «Белгазпрамбанк».
ААТ «Лакафарба» (Ліда).
ТАА «АлдыГрад» (Берасце).
ТАА «ЕўраТрансВагон» (Менск).
ТАА «Ізатэрмічная Лагістыка» (Менск).
ТАА «ПЛМ-Інавацыі» (Менск).
ТАА «Рыетума Лізінг» (Менск).
ТАА «Рэал-Агент» (Менск).
ТАА «Сыравінныя Рэсурсы-Бел» (Орша).
Замежнае ТАА «Омск Карбон Магілёў».
Экспартна-вытворчае рэспубліканскае ўнітарнае прадпрыемства «Беллесэкспарт» (Менск).
Тэрмін дзеяння санкцый – 10 гадоў.