WSJ патлумачыла, чаму Захад павялічыў дапамогу Украіне

Час можа аказацца на баку Расеі.

За пастановай рэзка павялічыць ваенную дапамогу Захаду Украіне хаваецца занепакоенасць партнёраў, што час можа быць на баку Расеі.

Пра гэта паведамляе The Wall Street Journal.

Паводле словаў выдання, неспакой украінскіх партнёраў сведчыць, што Украіне трэба магутная заходняя зброя – асноўныя баявыя танкі, іншая бронятэхніка і больш сістэмаў супрацьпаветранай абароны, каб неўзабаве ўзмацніць імпульс, дасягнуты летась у наступальных поспехах вакол Кіева, Харкава і Херсона.

Пакуль лідары дзяржаваў, якія дапамагаюць украінскаму войску рэзка змянілі сваю тактыку ў параўнанні з мінулым годам, калі яны спадзяваліся, што чым больш будуць доўжыцца баі, тым большая верагоднасць таго, што Украіна пераможа.

Заходнія афіцыйныя асобы заявілі, што калі Еўропа і Вашынгтон захаваюць сваю смеласць і аб'яднаюцца пасля цяжкай зімы, эканамічныя праблемы і ваенныя няўдачы Расеі, паглыбленыя санкцыямі, могуць прымусіць Маскву шукаць выйсце з канфлікту ці шукаць мір.

Аднак WSJ тлумачыць, што паколькі набліжаецца першая гадавіна ўварвання Расеі ва Украіну, гэтая ўпэўненасць ва ўкраінскіх партнёраў знікае. У той самы час афіцыйныя асобы ў некаторых сталіцах цяпер асцерагаюцца, што Крэмль, гатовы прадаўжаць кідаць людзей і вайсковыя сродкі ў вайну, можа перамагчы ў любой доўгай вайне на знясіленне.