Украінскія дэсантнікі знішчылі штурмавую групу «вагнераўцаў» пад Мар'інкай

Відэафакт.

Каля Мар'інкі на Данеччыне дэсантнікі 79 асобнай дэсантна-штурмавой брыгады адбілі штурм расейскага аддзела. Супраціўніку прычынілі істотныя страты.

Пра гэта паведаміў прэсавы цэнтр дэсантна-штурмавой брыгады УСУ.

Там расказалі, што расейская пяхота сіламі пад роту спрабавала неўзаметку наблізіцца да пазіцый дэсантнікаў, каб захапіць штурмам.

«Падступнасць задумы ворага была ў тым, што ў гэты час ён бесперапынна атакаваў іншыя падраздзяленні брыгады, актыўна ужываючы на тых дзялянках падтрымку сваёй артылерыі. На гэтай жа дзялянцы яго штурмавы аддзел спрабаваў падысці «сціха», без агнявой дапамогі сваёй артылерыі», - адзначаюць у прэсавым цэнтры.

Дзякуючы аэравыведцы мікалаеўскіх дэсантнікаў рух ворага на часе выявілі. Па супраціўніку нанеслі агнявую ўдар з актыўным ужываннем скідання баявых прыпасаў з дронаў.

«Нясучы значныя страты, супраціўнік адмовіўся ад сваіх планаў, і пад сховай дымавой заслоны акупанты ўцяклі, кінуўшы на полі бою сваіх загінулых», - гаворыцца ў паведамленні.