Кіраўнік МЗС Літвы заклікаў краіны ЕЗ выслаць амбасадара Расеі
8- 31.01.2023, 21:40
- 5,894
Паводле ягоных слоў, краінам ЕЗ няма сэнсу мець паслоў РФ.
Дзяржавам-сябрам Еўрапейскага звязу няма сэнсу мець паслоў Расеі ў сваіх краінах.
Пра гэта заявіў міністр замежных спраў Літвы Габрыэлюс Ландсбэргіс, паведамляе Verslo Zinios.
«У многіх выпадках няма асаблівага сэнсу мець амбасадара, расейскага амбасадара, у кожнай еўрапейскай сталіцы. Таму што, як мы бачым, гэта ўжо не дыпламатычная ўстанова, а прапагандысцкая, якая хавае ваенныя злачынствы і ўвогуле прасоўвае генацыдны парадак дня», - заявіў ён.
Міністр зазначыў, што не так даўно Літва была адзінай краінай, у якой не было расейскага пасла.
«Цяпер мы ў Балтыйскай групе», - сказаў Ландсбэргіс.