23 чэрвеня 2024, Нядзеля, 18:21
Падтрымайце
сайт
Сім сім,
Хартыя 97!
Рубрыкі

У Менску двое маладзёнаў пасядзелі ў кавярні на 1000 рублёў і сышлі, не заплаціўшы

17
У Менску двое маладзёнаў пасядзелі ў кавярні на 1000 рублёў і сышлі, не заплаціўшы
ІЛЮСТРАЦЫЙНАЕ ФОТА

Што было далей.

У Менску двое маладзёнаў пакінулі кавярню, не аплаціўшы рахунак. Іх знайшлі праз адбіткі пальцаў, паведамляе Дзяржаўны камітэт судмедэкспэртыз (ГКСЭ).

А 3.30 у міліцыю ад адміністратара сталічнай кавярні на вуліцы Багдановіча паступіла паведамленне аб неаплачаным рахунку. Двое маладых людзей "пасядзелі" на суму блізу 1000 беларускіх рублёў і пакінулі ўстанову, не аплаціўшы сваю замову.

У кавярню накіравалі следча-аператыўную групу, у складзе якой быў экспэрт.

"Падчас агляду высветлілася, што нядобрасумленныя госці ўстановы пакінулі пасля сябе не толькі неаплачаны рахунак і непрыемнае ўражанне, але таксама сляды пальцаў рук на сталовых прыборах і посудзе", - расказалі ў ГКСЭ.

Адбіткі пальцаў былі ў рэспубліканскай базе. Яны належалі двум хлопцам 22 і 23 год.

Дзеянням маладых людзей будзе дадзеная прававая ацэнка.

Напісаць каментар 17

Таксама сачыце за акаўнтамі Charter97.org у сацыяльных сетках