21 лютага 2024, Серада, 11:06
Падтрымайце
сайт
Сім сім,
Хартыя 97!
Рубрыкі

СМІ: УСУ заканчваюць буйную аперацыю ў раёне Новапракопаўкі

СМІ: УСУ заканчваюць буйную аперацыю ў раёне Новапракопаўкі

Акупанты не здолелі адбіць страчаныя пазіцыі.

Паводле інфармацыі, якая паступае, падраздзяленні ўкраінскага войска заканчваюць аперацыю вызвалення Новапракопаўкі, зачышчаючы рэшткі расейскіх вайскоўцаў на поўдні населенага пункта.

Расейскае войска паспрабавала адбіць страчаныя пазіцыі, аднак іх штурм з двух бакоў атрымаўся дрэнна скаардынаваным і пацярпеў паразу. Пра гэта на сваім сайце піша аўстрыйскі ваенны аналітык Том Купер.

«Як высветлілася праз некалькі гадзінаў пасля таго, як я ўчора запоўніў сваю справаздачу, учора расейскія ПДВ пачалі “татальны” контрнаступ на флангах украінскага “выступу” паміж Рабоцінам і Вербавым. Захад (Рабоціна – Новапракопаўка): 104-я ПДВ/76-я дывізія ПДВ + 70-я мср + 1429-я мср. Усход (Вербавое – Навафёдараўка): 247-я дывізія ПДВ/7-я дывізія ПДВ + 22-і спецназ. Відавочная мэта – “адрэзаць” гэтую выпукласць», – піша ён. Характэрна, што адзначаныя часткі расейскага войска, акрамя 70-й МСР, належаць да «стратэгічнага рэзерву», а не да 58-й САА.

Такім чынам, Купер намякае, што рэзервы расейцаў заканчваюцца. Больш за тое, паводле ягоных словаў, у расейцаў няма шанцаў вярнуць страчаныя пазіцыі. «Я думаю: так, баі ідуць (і будуць) цяжкія, але дамагчыся поспеху не атрымаецца, у тым ліку і таму, што абцуговы напад быў дрэнна скаардынаваны: заходнія контратакі прыпалі на Рабоціна і Новапракопаўку, а ўсходнія пайшлі ў кірунку Малая Такмачка. Больш за тое, некаторыя нават паведамляюць, што контратака ўжо была адбітая і расейцы здаліся, і што да вечару УСУ “вярнуліся” да заканчэння вызвалення Новапракопаўкі (ёсць чуткі, што яны чысцяць апошнія расейскія асяродкі супраціву на поўдні, на стан сённяшняй раніцы).

Мяркуючы з усяго, 47-ы і 116-ы мехі нават не “спынілі” рух па двух процітанкавых ірвах. Мяркую (не толькі я, але і войскі УСУ на выступе), што гэта “чарговая сітуацыя ў Клішчыеўцы” ці што расейцы спрабуюць атрымаць час для чагосьці – хоць мы не ўпэўненыя, для чаго: магчыма, для прыкрыцця адыходу знішчаных частак 19-й і 42-й МСД і ВДВ, ці яны хочуць палепшыць абарончыя межы на поўдзень», – піша ён.

Напісаць каментар

Таксама сачыце за акаўнтамі Charter97.org у сацыяльных сетках