Польскі журналіст: Пасля пачатку вайны Лукашэнка хацеў уцячы праз Варшаву

Падрабязнасці.

Пасля пачатку шырокамаштабнай расейскай агрэсіі супраць Украіны Аляксандр Лукашэнка разглядаў варыянт уцёкаў праз Варшаву. Аб гэтым піша журналіст Dziennik Gazeta Prawna Збігнеў Парафяновіч у сваёй кнізе "Польшча на вайне" (Polska na wojnie), якая днямі выйшла ў Польшчы.

Вытрымкі з кнігі апублікаваў у сацсетках польскі публіцыст Філіп Домб-Міроўскі.

«Урэшце, сам Лукашэнка настолькі спалохаўся, што праз розныя каналы пытаўся ў Варшаве, ці дазволяць яму перасячы мяжу, а пасля вылецець з бліжэйшага аэрапорта. Ён ведаў, што калі справы пойдуць дрэнна, расейцы не дазволяць яму падняцца ва ўласную паветраную прастору», - піша ён.

Усе крыніцы ў кнізе прыводзяцца ананімна. Са слоў аўтара, гэта высокапастаўленыя сябры польскага ўрада і прэзідэнцкага офіса, а таксама афіцэры войска і спецслужбаў.