У Варшаве пакажуць спектакль пра першыя дні пратэстаў у Беларусі
- 27.11.2023, 12:48
- 1,788
![У Варшаве пакажуць спектакль пра першыя дні пратэстаў у Беларусі](https://i.c97.org/ai/551300/aux-head-1686300133-20230609_spectakl_360.jpg)
«Мора Крысціны» расказвае пра простых беларусаў, якія кінулі выклік рэжыму.
У Варшаве пакажуць спектакль “Мора Крысціны”, прысвечаны першым дням пратэстаў у Беларусі.
Паказ спектакля адбыўся 29 лістапада ў варшаўскім тэатры Komuna Warszawa (Emilii Plater 31). У пастаноўцы гучаць беларуская, расейская, украінская і польская мовы.
Спектакль пакажа трупа BYTEATR.
«Сёння, калі Украіна больш за год агорнутая вайной, якая забівае тысячы людзей, нельга забываць і пра іншую — «ціхую» вайну ў Беларусі, якая доўжыцца вось ужо трэці год.
Аб вайне дыктатара Лукашэнкі з уласным народам.
Новая беларуская п'еса “Мора Крысціны” расказвае пра першыя дні пратэстаў у Беларусі ў 2020 годзе, з якіх пачалася гэтая вайна.
Героі п'есы, якія выступілі супраць скрадзеных выбараў і трапілі за краты, сутыкаюцца ў жорсткім канфлікце з карнікамі — слугамі дыктатара. Героі праходзяць праз жудасныя катаванні і здзекі, у той час як для міліцыянтаў гэта – звычайны працоўны дзень.
Дзень, у які беларускае грамадства раскалола напал глыбокая прорва», — так расказваюць пра спектакль самі акторы.
29 лістапада, Варшава, тэатр Komuna Warszawa (Emilii Plater 31). Пачатак спектакля — а 19:00.
Зарэгістравацца можна тут.
![](https://i.c97.org/ai/573199/aux-1701078418-Skype_Picture_2023_11_27T09_46_46_900Z.jpeg)