Навучанне ў беларускіх ВНУ падаражэе ўжо са снежня

Міністр адукацыі расказаў, як зменіцца цана.

Вартасць навучання ў беларускіх ВНУ будзе павышацца пачынаючы са снежня бягучага года, заявіў міністр адукацыі Андрэй Іванец. Аб гэтым ён расказаў выданню «СБ. Беларусь сёння».

"Так, плануем рост ад 3 да 17% у залежнасці ад спецыяльнасці", — сказаў ён, адказваючы на пытанне аб тым, ці вырасце цана навучання ўжо са снежня.

Пры гэтым кіраўнік міністэрства адзначыў, што кожная ВНУ будзе прымаць пастанову аб павышэнні цаны самастойна.

Іванец таксама паабяцаў, што "сённяшнія студэнты-“платнікі” не будуць адпрацоўваць размеркаванне".

«Змены ў заканадаўчую базу закрануць тых, хто будзе паступаць у нашы ўніверсітэты альбо каледжы пасля ўваходу ў дзеянне новых нормаў. Сённяшнія студэнты-“платнікі” не будуць адпрацоўваць размеркаванне», — сказаў міністр.