4 сакавiка 2024, панядзелак, 23:37
Падтрымайце
сайт
Сім сім,
Хартыя 97!
Рубрыкі

Рада ЕЗ ухваліла дадатковае фінансаванне для навучання ўкраінскіх вайскоўцаў

1
Рада ЕЗ ухваліла дадатковае фінансаванне для навучання ўкраінскіх вайскоўцаў

У навучанні вайскоўцаў УСУ ўдзельнічае шэраг дзяржаваў.

Рада Еўрапейскага звязу сёння, 28 лістапада, прыняла пастанову вылучыць дадатковае фінансаванне для навучання вайскоўцаў Узброеных сілаў Украіны. Пра гэта паведамляе РБК-Украіна са спасылкай на сайт Рады ЕЗ.

Такія трэніроўкі байцоў УСУ праводзяцца ў рамках Місіі ваеннай дапамогі Еўразвязу ў падтрымку Украіны (EUMAM Ukraine).

Фінансаванне будзе павялічанае на 194 мільёны еўраў і агулам складзе 255 мільёнаў еўраў.

«Мэтай сённяшняй пастановы з'яўляецца прадаўжэнне падтрымкі EUMAM у нарошчванні патэнцыялу Узброеных сілаў Украіны, зыходзячы з патрэбаў Украіны і прымаючы да ўвагі рост аб'ёму і складанасць навучальнай праграмы», – гаворыцца ў заяве Рады ЕЗ.

Таксама адзначаецца, што гэтая падтрымка прадоўжыць спрыяць шырокамаштабнай падрыхтоўцы асабовага складу УСУ і дазволіць дзяржавам-сяброўкам ЕЗ падаць неабходнае навучальнае абсталяванне і матэрыялы.

Нагадаем, што блізу года таму трэніровачная місія Еўрапейскага звязу для вайскоўцаў УСУ (EUMAM Ukraine) дасягнула поўнай аператыўнай гатоўнасці. Мандат місіі спачатку будзе доўжыцца два гады, а фінансавы арыенцір агульных выдаткаў быў устаноўлены на ўзроўні 3,1 млрд еўраў.

У навучанні ўкраінскіх вайскоўцаў удзельнічае шэраг дзяржаваў.

З моманту запуску місіі EUMAM Украіна ў кастрычніку летась і да сёння ў рамках праграмы ўжо прайшлі навучанне больш за 34 тысячы ўкраінскіх салдатаў.

Таксама ў канцы кастрычніка стала вядома, што Нямеччына пачала навучанне групы ўкраінскіх вайскоўцаў на ЗРК Patriot.

Напісаць каментар 1

Таксама сачыце за акаўнтамі Charter97.org у сацыяльных сетках