УСУ ўдарылі па аэрадроме «Сакі» ў Крыме: гарыць база 43-га авіяпалка РФ

Ліквідаваны дзясяткі акупантаў.

У захопленым РФ Крыме было атакаванае месца размяшчэння 43-га знішчальнага авіяцыйнага палка расейскіх акупантаў.

Удар быў нанесены па вайсковым аэрадроме акупантаў РФ у Саках.

Пра гэта паведамляе Telegram-канал «Аператыўны УСУ» і публікуе кадры пажару пасля нанесенага ўдару.

Таксама адзначаецца, што ў выніку нанесенага ўдару па размяшчэнні захопнікаў было знішчана блізу 30 чалавек асабовага складу акупантаў РФ.

«Уначы ў часова акупаваным Крыме быў чарговы прылёт. На гэты раз «бавоўна» дастала аэрадром у Саках, дзе базаваўся 43-ці авіяцыйны полк ВКС з Расеі. Пасля прылёту знішчана блізу 30 чалавек асабовага складу акупантаў», - гаворыцца ў паведамленні.

У Сеціве таксама паказалі наступствы ўдару па базе РФ у Крыме.

Адзначым, што як піша «Супільня», у акупаваным Севастопалі раніцай у сераду, 29 лістапада, было чуваць некалькі выбухаў.

«Я чуў 3-4 выбухі з боку бухт. Выбухі былі ціхія, магчыма гэта вучэнні», - распавёў мясцовы жыхар.

Пры гэтым паветраная трывога ў горадзе не абвяшчалася, удакладняецца ў паведамленні.