HIMARS знішчыў камандна-штабную машыну РФ
- 29.11.2023, 14:53
- 4,700
Удар навялі байцы ўкраінскага спецназа.
Байцы сіл спецаперацый Украіны (ССА) знайшлі і навялі агонь HIMARS на расейскую камандна-штабную машыну. Гэта адбылося на поўдні Украіны.
Пра гэта паведамляе прэс-служба ССА.
Аператары 73-га марскога цэнтра ССА падчас выведвальных дзеянняў на паўднёвым кірунку выявілі камандна-штабную машыну супраціўніка. Расейцы выкарыстоўвалі яе для кіравання сваімі падраздзяленнямі.
Аэравыведчыкі скарэктавалі агонь украінскай артылерыі на варожую машыну. Расейскую камандна-штабную машыну знішчыла амерыканская рэактыўная сістэма залпавага агню HIMARS.
"У выніку дакладнага ўдару варожая КШМ не падлягае аднаўленню, гэта значыць знішчаная поўнасцю", - адзначаюць байцы ССА.
