3 сакавiка 2024, Нядзеля, 3:02
Падтрымайце
сайт
Сім сім,
Хартыя 97!
Рубрыкі

Стала вядома, калі наладзіцца надвор'е ў Беларусі

Стала вядома, калі наладзіцца надвор'е ў Беларусі

Прагноз на 30 лістапада – 1 снежня.

Сёння штармавое надвор'е і цэлы букет неспрыяльных метэаз'яваў прынёс чарговы актыўны паўднёвы цыклон. Ягоны ўплыў захаваецца і ў найбліжэйшыя суткі.

Заўтра надвор'е прадоўжыць вызначаць паўднёвы цыклон. Рухаючыся праз усходнія раёны Беларусі на Пскоўскую вобласць Расеі, ён захавае ў большасці раёнаў складанае надвор'е, асабліва па паўночна-ўсходняй палове.

У чацвер – воблачна з праясненнямі. У асноўным па паўночна-ўсходняй палове снег, мокры снег. Уначы і раніцай ападкі моцныя, слабы галалёд, на дарогах галалёдзіца, наліпанне мокрага снегу. Вільготнасць да 100 адсоткаў. Вецер пераменных кірункаў парывісты, мяцеліца. Атмасферны ціск будзе расці.

Раніцай тэмпература паветра на большай частцы краіны – да -7°C. З улікам вільготнасці і ветру, з адчуванняў, будзе крыху халадней. У сярэдзіне дня слупкі тэрмометраў будуць на адзнаках – ад -1°C у паўднёва-заходніх раёнах да -6°C ва ўсходніх. Вечарам – у дыяпазоне ад -1°C па Берасцейскай вобласці да -7°C па Віцебскай.

У пятніцу надвор'е ненадоўга наладзіцца. Паўплываюць няўстойлівыя паветраныя масы, якія паступаюць з Балтыйскага мора. Воблачна з праясненнямі. Пройдзе кароткачасовы снег. Вільготнасць да 90 адсоткаў. На асобных адрэзках дарог галалёдзіца. Вецер заходняй чвэрці, сярэдні. Тэмпература паветра ноччу ад -4°C па поўдні да -10°C па поўначы, пры праясненнях – да -15°C марозу, максімальная днём -1°C... -7°C. На гэтым серыя цыклонаў не скончыцца. Паводле папярэдніх разлікаў, пад уплыў наступнай атмасфернай віхуры Беларусь трапіць у выходныя.

Напісаць каментар

Таксама сачыце за акаўнтамі Charter97.org у сацыяльных сетках