23 красавiка 2024, aўторак, 7:06
Падтрымайце
сайт
Сім сім,
Хартыя 97!
Рубрыкі

Расейцы перакінулі на ўсход і поўдзень Украіны падраздзяленні, якія знаходзіліся на тэрыторыі Беларусі

6
Расейцы перакінулі на ўсход і поўдзень Украіны падраздзяленні, якія знаходзіліся на тэрыторыі Беларусі

Пра гэта паведамілі ва УСУ.

Украінскія сілы, паводле звестак на сераду, 29 лістапада, не фіксуюць стварэння ўдарных фармаванняў на тэрыторыі Беларусі.

Пра гэта паведаміў спікер Аб'яднанага прэс-цэнтра Сілаў абароны Паўночнага кірунку Юрый Поўх.

«На мяжы з Беларуссю не выяўляецца цяпер прыкметаў стварэння ўдарных груповак войскаў ворага. Такім чынам, абстаноўка на мяжы застаецца кантраляванай», – паведаміў ён.

Поўх дадаў, што Узброеныя сілы ўважліва сочаць за перамяшчэннем і актыўнасцю ворага на тэрыторыі Беларусі.

Спікер дадаў, што на беларускай тэрыторыі застаюцца сувязныя і персанал аэрадромаў, а падраздзяленняў, якія могуць выкарыстоўвацца для наступу, там няма.

«Што тычыцца пяхотных падраздзяленняў, танкавых падраздзяленняў, гэта значыць частак і падраздзяленняў, якія могуць ствараць рэальную ваенную пагрозу для Украіны, фармаванне такіх падраздзяленняў цяпер не выяўленае», – заявіў спікер.

Ён удакладніў, што акупанты перакінулі на ўсход і поўдзень Украіны тыя падраздзяленні, якія раней знаходзіліся на тэрыторыі Беларусі.

Напісаць каментар 6

Таксама сачыце за акаўнтамі Charter97.org у сацыяльных сетках