Зяленскі прыехаў у Херсон

Прэзідэнт Украіны агледзеў пабудаваныя сховы.

Прэзідэнт Украіны Уладзімір Зяленскі ў сераду, 29 лістапада, прыехаў у Херсон. Ён агледзеў пабудаваныя ў горадзе сховы для насельніцтва, паведамляе ягоны Telegram-канал.

Разам з прэзідэнтам у горад прыехалі кіраўнік Офіса прэзідэнта Украіны Андрэй Ярмак і іншыя чыноўнікі ОП. Зяленскі паведаміў, што заслухаў даклад пра будаўніцтва сховаў у Херсоне.