«Вёска енчыць»: бацькі загінулага акупанта задалі Пуціну нязручнае пытанне

На іх склалі пратакол аб «дыскрэдытацыі» войска.

Па Расеі працягваюць памнажацца магілы сотняў тысяч загінулых ва Украіне салдат, бацькі якіх задаюць расейскім уладам нязручныя пытанні аб тым, за што загінулі іх дзеці.

Расейскія журналісты апублікавалі відэа аб смерці тэрміновай службы Афанасія Падаева з вёскі Карабаш Цюменскай вобласці, які не збіраўся звязваць сваё жыццё з вайной, паведамляе dialog.ua.

Аднак мясцовы вайсковы камісар сцвярджаў, што ў зону баявых дзеянняў ва Украіне жаўнераў тэрміновай службы не адправяць. Аналагічныя абяцанні раней даваў Шайгу.

Аднак Падаева адправілі на перадавую, дзе ён быў ліквідаваны падчас баявых дзеянняў. Пахаваўшы сына, бацькі зараз задаюцца пытаннем: за што загінуў іх сын і каму патрэбная гэтая вайна, задаючы расейскім уладам нязручныя пытанні.

За інтэрв'ю журналістам на маці загінулага Алу Фатхелісламаву склалі пратакол аб «дыскрэдытацыі» войска.

«Яны паваююць, не забудуцца. А нам як усім, хто страціў, маці, жонкам? Нам як жыць? А нам зараз усё жыццё плакаць ды плакаць, плакаць ды ўспамінаць», - кажа маці загінулага расейскага салдата.

Паводле ейных слоў, апошняе паведамленне ад маці сын так і не прачытаў, загінуўшы на вайне ва Украіне.