23 красавiка 2024, aўторак, 7:55
Падтрымайце
сайт
Сім сім,
Хартыя 97!
Рубрыкі

Стаматолаг з Капыля паставіў лукашыстаў на месца

15
Стаматолаг з Капыля паставіў лукашыстаў на месца
ІЛЮСТРАЦЫЙНАЕ ФОТА

Лекар аспрэчыў пастанову Міністэрства аховы здароўя аб цэнах.

Выконваючы абавязкі загадчыка стаматалагічнага аддзялення Капыльскай цэнтральнай раённай паліклінікі Уладзімір Дварэцкі ў ці-ток канале @konylnews заўважыў, што не вельмі згодны з пастановай Міністэрства аховы здароўя, якая зніжае цэны на стаматалогію.

Абгрунтоўваючы сваю пазіцыю, лекар адзначыў, што кошты і так нізкія. Ён падаў прыклады: ацэталавы пратэз - 360 рублёў, пластмасавая каронка - 50-55 рублёў, просты здымны пратэз - ад 165 рублёў.

Прэйскурант на лячэнне зубоў у платным кабінеце, паводле слоў Дварэцкага, таксама даступны. У сярэднім пломба на аднакаранёвы зуб абыдзецца 50-60 рублёў, на шматкаранёвы - у 100-110 рублёў.

«Зніжаць кошты - фактычна гэта ў страту нам і ў страту ўсяму», - мяркуе Дварэцкі і распавядае, што лекарам з лета павялічылі планы на 20 адсоткаў пры захаванні таго ж ўзроўню коштаў.

Лекар звяртае ўвагу, што выкананню планаў не спрыяе змяншэнне колькасці кліентаў. “Калі я пачынаў у 1981 годзе працаваць, было ў раёне 62,5 тысячы насельніцтва. Цяпер – блізу 27 [тысяч]. Таму і менш людзей прыходзіць. У асноўным людзі пенсійнага ўзросту”.

У паліклініцы, паводле слоў Дварэцкага, не робяць металакераміку. “Раней можна было ўсё гэта, але [цяпер не] не з нашай віны. Гэта ўсё з іншых прычын”, - заўважыў лекар без канкрэтызацыі.

Напісаць каментар 15

Таксама сачыце за акаўнтамі Charter97.org у сацыяльных сетках