«Дырэктар — гэта мянушка Пуціна — кожную раніцу тэлефанаваў»

Экс-кіраўнік ГУВ Кандрацюк падаў невядомыя факты са «справы Беразоўскага».

Валерый Кандрацюк, які ўзначальваў ГУВ Мінабароны Украіны ў 2015–2016 гадах, у інтэрвію галоўнай рэдактарцы інтэрнэт-выдання «ГОРДОН» Алесі Бацман расказаў, як некалі дырэктар ФСБ Аляксандр Бортнікаў запытваў ва Украіны дапамогу, каб «дастаць» уцёклага бізнэсоўца Барыса Беразоўскага.

Кандрацюк удакладніў, што гэта было да 2010 года і што ён асабіста быў сведкам размовы Бортнікава і тагачаснага кіраўніка СБУ. Тады была такая практыка, як рэгулярныя нарады спецслужбаў краін СНД, растлумачыў ён.

«Украінская старана тады адказала: «Ды ён вам увогуле не патрэбны, забудзьцеся. Вам ёсць чым займацца». Тады Бортнікаў сказаў: "Ты не ўяўляеш, калі табе кожную раніцу тэлефануе Дырэктар". Дырэктар — гэта мянушка або псэўданім [прэзідэнта дзяржавы-агрэсара РФ Уладзіміра] Пуціна сярод супрацоўнікаў ФСБ. І галоўнае пытанне [Пуціна] было: «Калі вы яго [Беразоўскага] ўбайдосіце?» — расказаў Кандрацюк.

Ён дадаў, што ў тым, што датычыць помсты, Пуцін ніколі нічога не забываў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com