Шторм раскідаў шэсць расейскіх караблёў у Чорным моры

Ёсць загінулыя.

Непагадзь прынесла нямала праблемаў, у тым ліку і для флоту Расеі ў Крыме. Шэсць караблёў сарвала з якараў падчас шторму, вядома пра загінулых, паведамляе «24 канал».

Некаторым караблям давялося дрэйфаваць у мора да яго заспакаення.

Расейскія СМІ паведамляюць, што падчас шторму ў моры сарвалася шэсць расейскіх караблёў. У 12:40 у раёне Керчанскага праліва на глебу ў раёне пасёлка Заветнае таксама выкінула баржу БНТ-03. З трума цеплахода Garakac трэба было выпампоўваць ваду.

«Капітан цеплахода Garakac паведаміў пра лішнюю ваду ў баластавых танках (цяжарам) і насавой частцы. Працаваць перасталі ўсе водаадпампоўныя сродкі. Была запытаная дапамога ў перашвартаванні, цяпер наступствы ліквідуюць», – пішуць СМІ.

Вядома, што ў непагадзь загінуў 61-гадовы механік цеплахода «Валгабат-266». Ягонае цела знайшлі ў каюце карабля. Папярэдняя прычына смерці – інфаркт на фоне моцнага стрэсу. Падчас шторму ён знаходзіўся на караблі.

Калі гаварыць пра сарваны з якара карабель, то мора пацягнула цеплаход «Азкан-2». Капітан пастанавіў дрэйфаваць у мора і праз гадзіну ўсё ж стаў на другі якар. Таксама сарвала два якары карабля «Волга-4007» – ён меў трэці, кармавы. Акрамя гэтага, сарваліся цеплаходы «Іртыш Рывер» і «Сатурн-1».