На волю выйшаў гомельскі актывіст Васіль Палякоў

Ён быў затрыманы 1 лістапада.

Пра вызваленне грамадскага актывіста з Гомеля Васіля Палякова паведаміла «Гомельская вясна».

Васіль Палякоў быў затрыманы 1 лістапада, а пасля таго двойчы асуджаны да 15 сутак арышту за «распаўсюджванне экстрэмісцкіх матэрыялаў».

Падчас зняволення Васіль трымаў галадоўку.

Васіль Палякоў – былы настаўнік гісторыі, звольнены паводле палітычных матываў. Шмат разоў удзельнічаў у розных палітычных кампаніях, нейкі час узначальваў Аб'яднаную грамадзянскую партыю.