20 красавiка 2024, Субота, 9:45
Падтрымайце
сайт
Сім сім,
Хартыя 97!
Рубрыкі

Еўракамісія прапануе план пералічэння Украіне падаткаў з замарожаных расейскіх актываў

Еўракамісія прапануе план пералічэння Украіне падаткаў з замарожаных расейскіх актываў

ЕЗ замарозіў актывы РФ на 211 млрд еўраў.

Еўракамісія плануе прапанаваць заканадаўчую ініцыятыву выкарыстання падатку на прыбытак з замарожаных расейскіх актываў памерам 211 млрд еўраў. Пра гэта паведамляе Bloomberg, спасылаючыся на крыніцу ў арганізацыі. Плануецца, што прапанова будзе абвешчаная 12 снежня гэтага года.

Паводле звестак агенцтва, сабраныя падаткі накіруюць на аднаўленне Украіны. Прадстаўнік Еўракамісіі таксама зазначыў, што прапанова не парушыць падаткаабкладанне ў краінах-чальцах ЕЗ.

Некаторыя краіны ЕЗ выказалі непакой наконт гэтай ініцыятывы. Бельгія, Нямеччына, Францыя, Італія і Люксембург заклікаюць да больш паступовага падыходу і выказваюць непакой датычна паскоранага працэсу прыняцця адпаведнага закону. Яны прапанавалі пачаць з менш фармальнага дакумента, мяркуючы, што афіцыйная прапанова заўчасная. Сустрэча Еўракамісіі з экспертамі з розных краінаў ЕЗ у гэтым пытанні прызначаная на 6 снежня.

Калі план камісіі будзе ўхвалены 12 снежня, лідары ЕЗ разгледзяць яго на саміце ў Брусэлі, які адбудзецца пазней у гэтым месяцы.

Паводле інфармацыі агенцтва, больш за 200 млрд еўраў заблакаваных расейскіх актываў знаходзяцца ў ЕЗ, пераважна ў Бельгіі ў міжнароднага дэпазітарыя Euroclear. У кастрычніку стала вядома, што расейскія актывы ў Euroclear прынеслі амаль 3 млрд еўраў прыбытку з моманту іх замарозкі і да трэцяга квартала 2023 года. У кастрычніку Бельгія абвясціла пра стварэнне фонду для Украіны памерам 1,7 млрд еўраў за кошт падаткаў з прыбыткаў ад расейскіх актываў.

Напісаць каментар

Таксама сачыце за акаўнтамі Charter97.org у сацыяльных сетках