Затрыманы галоўны рэжысёр Віцебскай тэлерадыёкампаніі

Ператрусы правялі ў яго кабінеце і дома.

Сілавікі прыйшлі ўчора ў будынак Віцебскай тэлерадыёкампаніі (ТРК) для затрымання галоўнага рэжысёра Сяргея Арлова. Ператрусы правялі ў ягоным кабінеце і дома. Што ставяць яму ў віну - невядома, піша «Вясна».

Сяргей - стваральнік шматлікіх дакументальных фільмаў і праграм (найболей вядомая стужка «Еўфрасіння Полацкая», а ягоны цыкл «Сямейны альбом» стаў пераможцам міжнароднага каталіцкага фестывалю хрысціянскіх фільмаў і тэлепраграм «Magnificat»).

З'яўляецца акадэмікам Міжнароднай Еўразійскай акадэміі тэлебачання і радыё. Арганізатар тэлемарафону ў зборы сродкаў на аднаўленне Свята-Пакроўскага кафедральнага сабора. Дырэктар тэлеканала 6ТВК і арганізатар рэгіянальнага тэлеканала «Віцебск».