У Берасцейскім універсітэце імя Пушкіна прайшлі масавыя затрыманні

У КДБ забралі 15 чалавек.

У Берасці ў дзяржаўным універсітэце імя Аляксандра Пушкіна 30 лістапада затрымалі блізу 15 чалавек, паведаміла крыніца «Белсата».

Затрыманні праводзіў КДБ, верагодна, за падтрымку Украіны. У інтэрнаце ўніверсітэта прайшлі ператрусы.

У апошні час масавыя затрыманні і ператрусы – даволі частая з'ява ў Беларусі.

10 лістапада хапун прайшоў у Баранавічах, дзе былі затрыманыя 10 чалавек, сярод іх – праваабаронца Аляксандр Вайцешык.

Раней паведамлялася пра масавыя затрыманні на шэрагу беларускіх прадпрыемстваў.