УСУ адкінулі расейцаў на поўнач ад Аўдзееўкі

Разбітая калона новых расейскіх БТРаў.

Украінскае войска падчас лютых баёў адкінула ворага ад населенага пункта Стэпавае на поўнач ад Аўдзееўкі, знішчыўшы калону новых расейскіх бронетранспарцёраў (БТР-82А), кожны з якіх каштуе 1,7 млн еўраў.

Пра гэта паведамляе ваенны аглядальнік нямецкага выдання BILD Юльян Рэпка.

Паводле словаў журналіста, у апошнія дні расейцы спрабавалі захапіць Стэпавае, каб акружыць украінскіх вайскоўцаў. Так, Стэпавае было атакаванае з-пад Краснагораўкі калонай сучасных БТР-82А. Аднак дзякуючы магутнаму агню Сілы абароны Украіны разбілі варожую калону.

Паводле вынікаў бою расейцы страцілі кантроль над гэтай мясцовасцю, дадаў аглядальнік.