5 сакавiка 2024, aўторак, 1:08
Падтрымайце
сайт
Сім сім,
Хартыя 97!
Рубрыкі

У Берасці прадаецца кватэра, у якой спыніўся час

5
У Берасці прадаецца кватэра, у якой спыніўся час

За яе просяць $24 900.

Двухпакаёвая кватэра ў берасцейскім мікрараёне Рэчыца падобная да музея СССР. Тут табе і квяцістыя фіранкі над уваходнымі дзвярыма, і сервант з тэарэтычным крышталём, і трумо з люстэркам. Класіка савецкага інтэр'еру, піша bgmedia.site.

У спальні – усё паводле канонаў жанру – дыван на сцяне, посцілка з характэрным узорам і, вядома, падушка. Пышна ўзбітая з выстаўленымі кутамі. Бракуе толькі карункавай сурвэткі зверху.

Кватэра знаходзіцца ў блакаваным жылым доме 1973 года пабудовы. Агульная плошча складае 53,2 кв. м, а жылая – 35,7 кв. м. Мяркуючы з фота, у тамбуры, як і на кухні, ідзе рамонт.

Але сапраўдны кландайк рэтра-рэчаў выявіўся на гарышчы. Тут – як на блышыным рынку: і стары скураны чамадан, і ваўняны плед, і нават ложак з металічным каркасам. Такія часцей за ўсё можна было сустрэць у вясковых хатах. Над столлю нацягнутыя палатняныя вяроўкі, на якіх звычайна развешвалі ўласнаручна сабраны святаяннік і іншыя зёлкі.

Дарэчы, у пакоях – трохметровыя столі, якія, як пішуць у аб'яве, «дазваляюць аформіць унутраную прастору пасродкам дызайну і цікавага сцэнара асвятлення». Вокны выходзяць на тры бакі, за кошт чаго выконваецца добрая інсаляцыя і мікраклімат у памяшканнях, пішуць гаспадары дома.

З камунікацый: электрычнасць, газ (ацяпленне – газавы кацёл) – цэнтралізаваныя; водазабеспячэнне, каналізацыя – цэнтралізаваныя па вуліцы, ёсць калодзеж. Прысядзібны зямельны надзел плошчай 5 сотак абгароджаны плотам, на тэрыторыі ёсць гараж і летняя кухня.

За сваю «бабуліну» кватэру гаспадары просяць $24 900.

Напісаць каментар 5

Таксама сачыце за акаўнтамі Charter97.org у сацыяльных сетках