27 лютага 2024, aўторак, 10:25
Падтрымайце
сайт
Сім сім,
Хартыя 97!
Рубрыкі

Украінскія партызаны ў Маскве мабілізаваліся ва УС РФ

15
Украінскія партызаны ў Маскве мабілізаваліся ва УС РФ

Яны рыхтуюцца выканаць некалькі задачаў.

Прадстаўнікі ўкраінскага падполля змаглі трапіць у шэрагі расейскага войска праз кампанію мабілізацыі, якая праходзіць у Маскве. Партызаны будуць весці дыверсійную і падрыўную працу.

Пра гэта паведамляе крымскі рух супраціву «Атэш».

У заяве падпольшчыкаў адзначаецца, што з кожным днём рух супраціву расейскай акупацыі расце, і «мы вітаем новых удзельнікаў, якія ўстаюць на шлях барацьбы з пуцінскім рэжымам».

«Ваенкаматы Данілаўскага і Пяроўскага раёнаў горада Масквы дапамаглі нашым новым агентам мабілізавацца ва УС РФ», – гаворыцца ў публікацыі.

У руху ўдакладнілі, што ўкраінскія агенты не толькі будуць перадаваць Сілам абароны каштоўную інфармацыю пра ворага, але таксама ажыццяўляць дыверсійныя дзеянні.

«Іх задача – не толькі інфармаваць, але і актыўна ўплываць на баяздольнасць акупантаў», – расказалі ў «Атэш».

Таксама прадстаўнікі партызанскага руху апублікавалі кадры з ваенкаматамі ў Маскве, дзе яны здолелі мабілізавацца ў Расармію.

Напісаць каментар 15

Таксама сачыце за акаўнтамі Charter97.org у сацыяльных сетках