Украіна ўзмацніла абарону на мяжы з Беларуссю

Украінскія памежнікі ацанілі імавернасць новага ўварвання з поўначы.

Украіна працягвае мінаваць і ўмацоўваць усю мяжу з Беларуссю. Пра гэта паведаміў прэс-сакратар Дзяржаўнай памежнай службы Украіны Андрэй Дземчанка, піша «Укрінфарм».

«Беларускі кірунак з'яўляецца прыярытэтным для Украіны ў плане бяспекі. На шчасце, па той бок мяжы зараз не фіксуецца якіх-небудзь дзеянняў, якія б стваралі пагрозу Украіне.

Акрамя таго, Расея не мае ў Беларусі дастатковай колькасці сваіх падраздзяленняў і тэхнікі, каб ажыццявіць паўторнае ўварванне.

«Але мы разумеем, што рэжым у Беларусі прадаўжае падтрымліваць краіну-агрэсарку, таму гэты кірунак прадаўжае ўмацоўвацца па ўсёй лініі граніцы і мінавацца», - сказаў Дземчанка.

Раней ва УСУ заяўлялі, што на тэрыторыі Беларусі зараз няма ўдарных груповак ворага, але расейскія вайскоўцы ў невялікай колькасці ў краіне застаюцца (пераважна сувязісты і персанал на аэрадромах). Абстаноўку на мяжы з Беларуссю ўкраінскае камандаванне ўважае за кантраляваную.