Вітольд Вашчыкоўскі - беларускаму МЗСу: Пакажыце людзям Статкевіча!
12- 10.12.2023, 16:50
- 14,192
ФОТА: CHARTER97.ORG
Пра лідара беларускай апазіцыі нічога невядома больш за 300 дзён.
Намеснік кіраўніка Камітэта Еўрапарламента ў замежных справах, былы міністр замежных спраў Польшчы Вітольд Вашчыкоўскі звярнуўся да беларускага МЗС з патрабаваннем неадкладна прадставіць інфармацыю аб месцазнаходжанні і самаадчуванні лідара беларускай апазіцыі Мікалая Статкевіча.
Show People Statkevich! And set him free @BelarusMFA @BelarusMID https://t.co/2ukQr89QBY
— Witold Waszczykowski (@WaszczykowskiW) December 9, 2023
Палітык размясціў у Twitter артыкул галоўнай рэдактаркі сайта Charter97.org Наталлі Радзінай, у якім беларуская журналістка запатрабавала ад рэжыму Лукашэнкі зняпраўдзіць атрыманую ад некалькіх крыніц інфармацыю аб магчымай смерці ў турме лідара беларускай апазіцыі Мікалая Статкевіча.
«Пакажыце Мікалая Статкевіча, калі ён жывы, ягонаму самаму блізкаму і роднаму чалавеку - Марыне Адамовіч. Дазвольце ім спатканне ці хаця б відэазванок!
У адваротным выпадку ваша маўчанне будзе азначаць, што крыніцы маюць рацыю і на сумленні Лукашэнкі і ягоных карнікаў смерць яшчэ аднаго палітвязня», - заявіла Наталля Радзіна.
Пра лідара беларускай апазіцыі нічога невядома больш за 300 дзён.
