14 красавiка 2024, Нядзеля, 3:50
Падтрымайце
сайт
Сім сім,
Хартыя 97!
Рубрыкі

Паліна Шарэнда-Панасюк стала пераможцай прэміі «Праваабарончая салідарнасць»

4
Паліна Шарэнда-Панасюк стала пераможцай прэміі «Праваабарончая салідарнасць»
Паліна Шарэнда-Панасюк

Апублікаваны поўны спіс пераможцаў прэміі праваабарончай супольнасці Беларусі за 2023 год.

Сталі вядомыя лаўрэаты Прэміі праваабарончай супольнасці Беларусі за 2023 год, паведамляе праваабарончы цэнтр «Вясна». Цырымонія ўзнагароджання адбылася сёння, у Міжнародны дзень правоў чалавека 10 снежня 2023 года.

У новай намінацыі «Праваабарончая салідарнасць года-2023» пераможцай стала палітзняволеная Паліна Шарэнда-Панасюк.

«Праваабарончая салідарнасць» - новая намінацыя. На яе вылучаецца асоба, якая пацярпела ад рэпрэсій і ціску сёлета і/ці ў папярэднія гады за сваю дзейнасць па прасоўванні і/ці абароне правоў чалавека ў Беларусі.

Нагадаем, што Паліна Шарэнда-Панасюк, маці дваіх дзяцей, утрымліваецца за кратамі з 3 студзеня 2021 года. Паліну прысудзілі да двух гадоў зняволення паводле трох артыкулаў Крымінальнага кодэкса: арт.368 КК РБ («Абраза Лукашэнкі»), арт.369 («Знявага прадстаўніка ўлады»), арт.364 («Гвалт або пагроза гвалту ў дачыненні да супрацоўніка органаў унутраных спраў»).

У намінацыі «Праваабаронца года-2023» абвешчаныя два пераможцы - намеснік старшыні Беларускай асацыяцыі журналістаў Алег Агееў і адвакатка Наталля Мацкевіч.

«Журналістам года-2023» прызнаны палітвязень галоўны рэдактар «Рэгіянальнай газеты» Аляксандр Манцэвіч.

«Праваабарончай кампаніяй/ініцыятывай года-2023» названая служба эвакуацыі BYSOL.

Напісаць каментар 4

Таксама сачыце за акаўнтамі Charter97.org у сацыяльных сетках