Самалёт Лукашэнкі нечакана паляцеў з Кеніі

Праз тры гадзіны пасля прыбыцця ў краіну.

Boeing 767-300 з бартавым нумарам EW-001PB, на якім Лукашэнка прыляцеў у Афрыку, прабыў у сталіцы Кеніі каля трох гадзін і вылецеў у паўночна-ўсходнім кірунку, сведчаць звесткі сэрвісу flightaware.com.

У 23:15 EAT борт вылецеў з аэрапорта Найробі ў бок ААЭ.

У Кеніі Лукашэнка паспеў сустрэцца з прэзідэнтам гэтай краіны Уільямам Руто.

Сустракаў Лукашэнку ў аэрапорце толькі міністр сельскай гаспадаркі.

Да гэтага дыктатар пабываў у Экватарыяльнай Гвінеі.