Страты РФ ушчыльную наблізіліся да новага антырэкорда

Расея за апошнія дні страціла нямала бранятэхнікі.

За дзень страты Расеі ва Украіне павялічыліся больш як на тысячу акупантаў і ўшчыльную наблізіліся да новага антырэкорда - 340 тысяч.

Ліквідавана яшчэ 1 030 праціўнікаў, і цяпер агульныя страты ворага на 11 снежня 2023 года складаюць прыкладна 339 850 захопнікаў, паведаміў у панядзелак раніцай Генеральны штаб Узброеных сіл Украіны.

У Генштабе дадалі, што таксама знішчана яшчэ 19 танкаў захопнікаў, 31 баявая браняваная машына, шэсць артылерыйскіх сістэм, 18 дронаў аператыўна-тактычнага ўзроўню, 13 адзінак аўтамабільнай тэхнікі і аўтацыстэрнаў і шэсць адзінак спецтэхнікі.