У Менску ДАІ збіраецца масава эвакуяваць машыны

Хто пад пагрозай?

У Менску Дзяржаўтаінспекцыя будзе эвакуяваць аўтамабілі, кіроўцы якіх не прыбіраюць вакол іх снег, паведамляе БелТА.

«Мэр» Менска Уладзімір Кухараў даў даручэнне, звязанае з узмацненнем кантролю за станам замацаваных тэрыторый, а таксама развязак. Ён адзначыў, што тэхнікі стае, дадаўшы, што патрэбная няспынная праца, таму што ў іншым выпадку захады павінны будуць ўжываць неадкладна. На гэта нібы нацэленая гарадская санітарна-эпідэміялагічная служба.

Сказана, што патрабаванні ўтрымліваць у належным парадку тэрыторыі прад'яўляюцца да арганізацый усіх формаў уласнасці, у тым ліку гэта датычыцца аб'ектаў гандлю і грамадскага харчавання, а таксама таварыстваў уласнікаў. Акрамя таго, кіраўнік Менгарвыканкама заўважыў, што, з улікам прагназаванага пацяплення было даручана накіраваць дадатковыя сілы на прыборку ледзяшоў і наледзі з дахаў будынка.

Падкрэслена, што абавязкам аўтаўладальнікаў з'яўляецца ўборка снегу вакол машынаў. Так, гарадскія службы Менска будуць звяртаць на гэта сур'ёзную ўвагу. Чакаецца, што будуць задзейнічаць эвакуатары, але ў тым выпадку, калі кіроўцы не будуць рэагаваць на папярэджанні. Таксама ў паведамленні сказана, што за невыкананне агучаных патрабаванняў прадугледжваецца адміністрацыйная адказнасць, аднак да такога захаду пакуль не звярталіся.

– Будзем заклікаць аўтаўладальнікаў прыбіраць уздоўж дарог аўтамабілі ці прыбіраць вакол аўтамабіляў. Інакш будзе рабіцца эвакуацыя, – папярэдзіў кіраўнік управы гарадской гаспадаркі і энэргетыкі Менгарвыканкама Аляксандр Ракаўшчык.