4 сакавiка 2024, панядзелак, 21:08
Падтрымайце
сайт
Сім сім,
Хартыя 97!
Рубрыкі

Сойм Польшчы не прадоўжыў паўнамоцтвы прэм'ер-міністра Маравецкага

5
Сойм Польшчы не прадоўжыў паўнамоцтвы прэм'ер-міністра Маравецкага

Галоўны кандыдат на гэтую пасаду – Дональд Туск.

Дэпутаты польскага Сейма вынеслі вотум недаверу прэм'ер-міністру Матэвушу Маравецкаму, тым самым адмовіўшыся падоўжыць ягоныя паўнамоцтвы. Цяпер фармаваннем ураду краіны зоймецца аб'яднаная апазіцыя на чале з Дональдам Тускам.

Падчас паседжання Сейма 11 снежня дэпутаты выказалі вотум недаверу цяперашняму прэм'ер-міністру, прадстаўніку партыі «Права і справядлівасць» Матэвушу Маравецкаму, кандыдатуру якога вылучыў прэзідэнт Польшчы Анджэй Дуда. На галасаванні ўрад Маравецкага падтрымалі 190 чалавек, супраць выказаліся 266.

Такім чынам, «Права і справядлівасць» перастала быць кіроўнай партыяй у Польшчы пасля васьмі гадоў, цягам якіх яе прадстаўнікі ўзначальвалі ўрад краіны.

Цяпер фармаваннем кабінета зоймецца аб'яднаная апазіцыя, якая складаецца з альянсаў «Грамадзянская кааліцыя», «Трэці шлях» і «Левыя».

Галоўным кандыдатам на пасаду польскага прэм'ера стаў Дональд Туск, лідар партыі «Грамадзянская платформа», якая атрымала другое месца на выбарах, і былы кіраўнік Еўрапейскай рады.

Напісаць каментар 5

Таксама сачыце за акаўнтамі Charter97.org у сацыяльных сетках