ISW: Крэмль прыдумаў «актыўную абарону Аўдзееўкі», каб утаіць сапраўдную сітуацыю

Аналітыкі выкрылі, што насамрэч адбываецца на гэтым адцінку фронту.

У Расеі наступальныя патугі акупацыйных войскаў пачалі называць часткай «актыўнай абароны». Гэтая падмена паняццяў патрэбная вайскова-палітычнаму кіраўніцтву дзяржавы-агрэсаркі, каб зменшыць чаканне расейцамі значных «перамог» войска РФ у вайне супраць Украіны.

Напрыклад, услед за прэзідэнтам РФ Уладзімірам Пуціным тэзісы аб «актыўнай абароне», падчас якой акупацыйныя сілы захопліваюць «больш выгадныя пазіцыі на ўсіх аператыўных кірунках», загаварыў міністр абароны РФ Сяргей Шайгу. Што спрабуюць схаваць за гэтым эўфемізмам расейскія ўлады, піша Інстытут вывучэння вайны (ISW).

У ISW адзначылі, што Шайгу працягвае ўводзіць расейцаў у зман, характарызуючы спробы расейскіх войскаў наступаць на розных кірунках фронту ва Украіне як частцы «актыўнай абароны». Такім чынам ён імкнецца прыцішыць чаканні расейцаў у стаўленні здольнасці «другога войска свету» дасягаць аператыўна значных мэт.

Дарэчы, гэты ілжывы тэрмін у дачыненні да сітуацыі на фронце ён ужыў падчас нарады з вайсковым кіраўніцтвам РФ 1 снежня. З яго слоў, ва Украіне расейскія войскі нібыта вядуць «актыўную абарону» і захопліваюць больш выгадныя пазіцыі на ўсіх аператыўных кірунках.

Ён таксама асабліва адзначыў «дасягненні» 15-й мотастралковай брыгады (2-я агульнавайсковая армія, Цэнтральная вайсковая акруга), 114-й мотастралковай брыгады (1-й армейскі корпус «ДНР»), 4-й і 123-й мотастралковых брыгад ( абедзве - 2-й армейскі корпус «ЛНР». З гэтага аналітыкі робяць выснову, што ўсе гэтыя падраздзяленні, магчыма, задзейнічаныя ў раёнах, дзе расейцы праводзяць наступальныя аперацыі на ўсходзе Украіны.

«Шайгу і Пуцін раней называлі расійскія наступальныя аперацыі па захопу Аўдзееўкі «актыўнай абаронай» пасля таго, як у пачатку кастрычніка 2023 года першы расейскі механізаваны наступальны ўдар не прынёс значных тактычных поспехаў», – дадалі ў ISW.

Аналітыкі нагадалі, што з пачатку кастрычніка гэтага года расейскія войскі некалькі разоў распачалі буйнамаштабныя наступленні на Аўдзееўку і нясуць вялікія страты падчас пяхотных атак на гэты горад.

«Характарыстыка гэтых наступаў расейскімі афіцыйнымі асобамі як частка «актыўнай абароны» наўмысна ўводзіць у зман. Украінскія сілы ніколі не праводзілі маштабных наступальных аперацый пад Аўдзееўкай з пачатку поўнамаштабнага ўварвання Расеі ва Украіну ў 2022 годзе, а з 2014 года Аўдзееўка з'яўляецца вядомай статычнай украінскай абарончай пазіцыяй. Аднак расейскае кіраўніцтва працягвае ілжыва прадстаўляць аперацыі вакол Аўдзееўкі як «актыўную абарону», хутчэй за ўсё, праз адсутнасць якога-небудзь сур'ёзнага прагрэсу з боку Расеі на кірунку, нягледзячы на больш за два месяцы буйнамаштабных расейскіх нападаў там», – прыйшлі да высновы эксперты.

Калі б расейскае камандаванне прызнала дзеянні УС РФ пад Аўдзееўкай наступальнай аперацыяй, яму давялося б дабівацца дакладна выяўленай аператыўнай мэты. А вось у выпадку абвяшчэння таго, што адбываецца «актыўнай абаронай» у ведамстве Шайгу могуць заяўляць аб «поспехах» акупацыйных войскаў датуль, пакуль яны не дазваляюць украінскім сілам дабіцца там якіх-небудзь значных поспехаў. А гэта, падкрэсліваюць у ISW, можа працягвацца дастаткова доўга, бо на гэтым кірунку Сілы абароны не праводзілі і не праводзяць контрнаступальныя аперацыі.

«Абарончая» канцэпцыя расейскага камандавання наступальных намаганняў вакол Аўдзееўкі, а таксама лакалізаваных наступальных аперацый у іншых частках усходняй Украіны сведчыць аб тым, што яму бракуе ўпэўненасці ў здольнасці расейскіх узброеных сілаў ператварыць тактычныя дасягненні ў аператыўна значныя поспехі», – мяркуюць у ISW.

Да таго ж Пуцін, які ўвесну наступнага года збіраецца пераабрацца на чарговы прэзідэнцкі тэрмін, занепакоены паніжэннем узроўню падтрымкі поўнамаштабнай агрэсіі РФ супраць Украіны расейскім насельніцтвам. Менавіта таму ён наўмысна прымяншае маштаб расейскіх аперацый у вачах расейцаў. Хаця, мяркуюць у ISW, такі падыход камандавання да расейскіх аперацый ва Украіне можа выклікаць незадаволенасць у расейскай інфармацыйнай прасторы.