1 сакавiка 2024, Пятніца, 13:03
Падтрымайце
сайт
Сім сім,
Хартыя 97!
Рубрыкі

Расейскую спявачку Чычэрыну будуць судзіць

22
Расейскую спявачку Чычэрыну будуць судзіць
ЮЛІЯ ЧЫЧЭРЫНА

Магчымы пажыццёвы тэрмін.

Абвінаваўчы акт у дачыненні да расейскай спявачкі і прапагандысткі Юліі Чычэрынай быў накіраваны ў суд.

Пра гэта паведамляе Офіс Генпракурора Украіны.

Чычэрынай інкрымінаваныя замахі на тэрытарыяльную цэласнасць і недатыкальнасць Украіны. Незаконнае пераадоленне дзяржаўнай мяжы і публічны здзек з дзяржаўнага сцяга Украіны. Прапаганда і апраўданне вайны. Падтрымка ўзброенай злосці РФ супраць Украіны.

Паводле гэтых артыкулаў Чычэрынай пагражае пажыццёвае пазбаўленне волі.

Паводле інфармацыі следства, расейская рок-спявачка з 2014 года выкарыстоўвала сваю папулярнасць для апраўдання агрэсіі Расеі супраць Украіны. Яна публічна заклікала да агрэсіўнай вайны і ўчынення наўмысных дзеянняў з мэтай змены межаў тэрыторыі і дзяржаўнай мяжы Украіны ў парушэнне парадку, устаноўленага Канстытуцыяй Украіны.

Справа супраць Чычэрынай

Нагадаем, што ў сакавіку 2022 года Чычэрына незаконна прыбыла ў часова акупаваны Энэргадар і зняла сцяг з будынка мясцовай мэрыі.

Тады паводле гэтага і іншых фактаў праваахоўнікі кваліфікавалі яе злачынныя дзеянні паводле двух артыкулаў Крымінальнага кодэкса:

ч.3 арт.110 (замах на тэрытарыяльную цэласнасць і недатыкальнасць Украіны);

ч.1 арт.338 (здзек з дзяржаўных сімвалаў).

Зламысніцы пагражае пажыццёвае пазбаўленне волі.

Таксама стала вядома, што за галаву Чычэрынай, якая гадамі выступае на баку баевікоў, у ЗША паабяцалі ўзнагароду 50 тысяч даляраў пасля інцыдэнту са сцягам.

Напісаць каментар 22

Таксама сачыце за акаўнтамі Charter97.org у сацыяльных сетках