Пад Аўдзееўкай расейцы расстралялі бяззбройных байцоў УСУ, што здаліся ў палон 

Ёсць відэадоказ вайсковага злачынства.

У раёне Аўдзееўкі расейскія акупанты расстралялі дваіх байцоў Узброеных сіл Украіны, якія здаліся ў палон.

Вайсковае злачынства расейцы ўчынілі недалёка ад вёскі Стэпавое Данецкай вобласці (знаходзіцца недалёка ад Аўдзееўкі). Пра гэта паведамляе рэсурс DeepState.

Пры гэтым апублікаванае відэа, на якім зафіксавана, як расейскія захопнікі расстралялі дваіх украінскіх ваяроў, калі яны без зброі здаліся ў палон.

Адзначаецца, што акупанты зайшлі на пазіцыі 45-га ААБ. Пры гэтым байцы УСУ былі вымушаныя здавацца праз недахоп баявых камплектаў. Адзін з іх выйшаў з хованкі з паднятымі рукамі і лёг на зямлю.

Дадамо, што адразу, калі з хованкі выйшаў без зброі другі ўкраінскі вайсковец, расейцы расстралялі ва ўпор дваіх бяззбройных вайскоўцаў УСУ.

Увага! Відэа не прызначана для прагляду непаўналетнімі і асобамі з няўстойлівай псіхікай.

Кадры расстрэлу расейцамі палонных байцоў УСУ можна паглядзець па гэтай спасылцы.