У Сімферопалі дзве дыверсанткі атруцілі расейскіх захопнікаў

Больш за 20 загінулых.

Расейскія прапагандысты паскардзіліся, што ў акупаваным Сімферопалі «дзве дыверсанткі» нібы атруцілі дзясяткі акупантаў. «Мілыя дзяўчыны» пачаставалі атручанымі алкаголем і ежай захопнікаў у адной з вайсковых частак, у выніку чаго 20 вайскоўцаў РФ загінулі, яшчэ 11 патрапілі ў лякарню, піша «Обозреватель».

Пра выпадак напісаў прапагандысцкі Telegram-канал «Крамлёўская табакерка» 1 снежня, спасылаючыся на крыніцы. Адзначаецца, што на КПП воінскай часці нібыта прыйшлі «дзве мілыя дзяўчыны», якія прадставіліся мясцовымі жыхаркамі.

Яны прынеслі сем бутэлек гарэлкі і закуску – рыбу, каўбасу, хлеб, сыр. Ахове сказалі, што хочуць аддзячыць «нашым дзецюкам», піша канал.

«Хлопцы гарэлку і ежу ўзялі, выпілі з таварышамі па службе, паелі. І многія атруціліся», – распавяла крыніца прапагандыстаў.

У прынесеных алкаголі і ежы нібыта знайшлі «велізарныя дозы мыш'яку», а ў адной з бутэлек – стрыхнін – вельмі моцны яд, таксін дрэва чылібуха, які выкарыстоўваюць у якасці пестыцыду для знішчэння грызуноў.

Ад такога «пачастунку» памерлі 24 вайскоўцы РФ, яшчэ 11 шпіталізаваныя.

«Злачынцаў выявіць не ўдалося. Ідзе следства. Праваахоўнікі высвятляюць, ці звязаныя забойцы з дыверсантамі з Мелітопаля, якія нядаўна атруцілі некалькіх афіцэраў ФСБ», – паскардзіліся прапагандысты

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com